A violencia de xénero, baseada na situación de dominación por parte dos maltratadores, supón unha secuela que ten que ser erradicada co concurso de toda a sociedade.

É esta mesma sociedade a que ten que traballar coordinadamente para que as novas xeracións herden unha contorna libre de toda forma de violencia e, en particular, desta covarde e execrable sangría das nosas concidadás.

Ante calquera feito relacionado coa violencia de xénero, as vítimas teñen á súa disposición o teléfono gratuíto 016, que non deixa pegada na factura telefónica.

Se vostede quere coñecer todos os recursos e prestacións deste Concello en materia de igualdade e loita contra a violencia de xénero, pode atopalos na información relacionada a continuación.