O alcalde da Coruña, Xulio Ferreiro, xunto ao concelleiro de Culturas e Deportes, José Manuel Sande, mantiveron hoxe unha xuntanza cunha delegación da Federación Galega de Fútbol (FGF) encabezada polo seu presidente, Rafael Louzán. Na mesma, o concello amosouse disposto a modificar o convenio subscrito entre as partes respecto aos terreos e campos de San Pedro de Visma baixo a condición que o cambio recolla por escrito o compromiso de que a FGF manterá na Coruña a súa sede central.

Nese caso, o concello recuperaría os terrenos nos que a Federación renuncia a construír un novo edificio e adicaría os mesmos a prazas de aparcamento, claramente insuficientes no proxecto inicial. Así mesmo, a administración local asume investimentos na instalación eléctrica.

O concello recepcionará os campos de fútbol de Visma así como reciba -e se corresponde, aprobe- os últimos informes sobre o modificado de obra. Os campos de fútbol pasarían a ser de titularidade municipal, tendo a Federación Galega de Fútbol dereito ao seu uso durante algunhas horas á semana.