A proba máis popular do atletismo coruñés, Coruña10, celebrou o pasado 24 de abril a súa décimo sexta edición e nela premiábase a participación do alumnado dos centros educativos.

O que máis representación tivo nas carreiras de menores, que regresaron nesta edición tras o parón da pandemia, foi o Colexio Montespiño-Peñarredonda.

Grazas aos seus e ás súas escolares e á colaboración de Decathlon, este centro leva un premio de 500 euros en material deportivo.

Coruña10, coa organización do Concello da Coruña e a Federación Galega de Atletismo, promoveu a participación de menores de idade ao considerar que o deporte, os seus valores, e a actividade física son claves para unha vida saudable.

Con esa pretensión, animou os centros educativos a sumarse á carreira co lema "chista máis participar que gañar".

As persoas menores de 18 anos dispuxeron de inscrición gratuíta, recibiron unha camiseta de agasallo e, ademais, no caso da categoría Peques, unha medalla por participar.