O concelleiro de Emprego e Economía Social, Alberto Lema,  entregará o venres os premios do XII Concurso de Tapas Picadillo nun acto que terá lugar na Fundación Luis Seoane (10.30 horas) e ao que asistirán tamén cociñeiros e persoal propietario dos restaurantes finalistas, o xurado Picadillo, o xurado Maridaxe e o presidente da D.O. Valdeorras  –que colaborou nesta edición cun novo premio á mellor maridaxe de tapa e viño– José Vicente Solarat.

Nesta edición foron 74 os establecementos da cidade concursaron con 97 tapas tradicionais e creativas, das que dez optan a premio. Os locais son os seguintes:

• Casa Ponte,  coa  tapa ‘Delicias de risoto’

• Taberna O Secreto, coa tapa ‘Polbo protestante’

• Cúrcuma, coa tapa ‘Timbal de grelos con bacallau afumado’

• Central Park, coa tapa ‘Macaron de foie’

• La Oveja Negra, coa tapa ‘Lasaña de queixo e chourizo ao queixo Scamorza’

• Oído Cocina, coas súas tapas ‘Rabo de touro ao Mencía con mazá reineta’ e ‘Macaron de salmón afumado e queixo do Cebreiro’

• Abarrote, coa tapa ‘Saquiño de solombo’

• Surrey, coa tapa ‘León come gamba’

• Mesón Moncho, coa tapa ‘Tortilla de chicharróns con queixo San Simón’

Durante o acto, farase entrega dos diplomas a todos os establecementos finalistas,  e tamén, se os houber, aos establecementos con mención especial, e concederase o Premio Cidade da Coruña (que se concede por votación popular), o Premio Picadillo Tapa Tradicional, o Premio Picadillo Tapa Creativa e o Premio Maridaxe con viños D.O. Valdeorras.