A Coruña acolle hoxe e mañá a 12ª Reunión Científica GINEP 2023, un congreso nacional sobre xinecoloxía que reúne na cidade a máis de 400 xinecólogos/as do ámbito privado. Con este congreso, que ten lugar en Palexco, A Coruña consolida a súa posición como destino MICE. O Concello da Coruña, a través do Consorcio de Turismo e Congresos da cidade, colabora no desenvolvemento deste foro referente en medicina.

Este congreso conta con relatores como José Eliseo Branco, xefe de Obstetricia do Hospital Clínico Universitario Virxe da Arrixaca (Murcia), Anna Blázquez, coordinadora científica médica na Clinica Eugin (Barcelona); Santiago Palacios, organizador das xornadas e director do Instituto Palacios de Saúde e Medicamento da Muller (Madrid); Alejandro Celestino Pazos Sierra, director do Departamento de Ciencias da Computación e Tecnoloxías da Información da UDC; Fernando Cobián Sánchez, xinecólogo na Coruña de longa traxectoria, Ignacio Cristobal, vicepresidente da Xunta da Directiva da Sociedade de Xinecoloxía e Obstetricia de Madrid, Jesús de la Fuente, xefe de sección de Xinecoloxía e Obstetricia no HU Infanta Leonor (Madrid-Vallecas) ou Antonio Gosálvez, Unidade de Reprodución Asistida no Hospital Universitario Quirón Saúde, Madrid, entre outros.