O día 9 de maio, diante do quiosco Alfonso nos cantóns e de 11:00 a 19:00 horas, a Escola infantil de Monte Alto, presenta o proxecto O firmamento das emocións, unha adaptación dunha iniciativa anterior da agrupación astronómica dirixida a nenos/as en idades temperás.

Haberá dúas sesións na que se narrará este conto xunto cunha interprete en linguaxe de signos. Pola mañá ás 12:30 h e pola tarde ás 17:30 horas.

O proxecto ten como obxectivo achegar a astronomía e as emocións de forma lúdica e creativa, mediante:

• Actividades que relacionan emocións con animais habituais en contos infantís.
• A creación de constelacións nun mural, utilizando liñas e puntos.
• A narración de historias que combinan animais, música, estacións e emocións.
• O uso conxunto de linguaxe oral e lingua de signos, fomentando a expresión e comprensión.