Profesorado e alumnado, coa colaboración de familias e veciñanza, desenvolveron un traballo cuxo eixo motivador foi poñer en valor a coruñesa Torre de Hércules, entendendo o monumento como un espazo mediador entre o mar e a terra.

As e os pequenos gozaron coñecendo a fauna e a flora do a súa contorna, traballaron na súa horta e aprenderon a coñecer e gozar da natureza. Tamén realizaron actividades de reciclaxe e trataron de concienciar sobre a necesidade dun consumo responsable.

Os demais premios recalaron en:

• Premio Galicia: Colexio Estudio de Chandebrito (Pontevedra) por un proxecto sobre a loita contra o lume en Chandebrito.
• Premio provincia da Coruña: Colexio Santa Apolonia por "Abuela Pepa".
• Premio provincia de Lugo: IES María Sarmiento por "Catalogación de fuentes y lavaderos de Viveiro".
• Premio provincia de Ourense: CEIP de Seixalbo por "Mucho por descubrir".
• Premio provincia de Pontevedra: CEIP A Lama por "Protegemos nuestro patrimonio".

Entrega de premios

Os centros gañadores do premio Galicia, os provinciais, o mellor blog e o mellor vídeo ambiental recibirán os seus galardóns durante a festa fin de curso de Voz Natura, que se realizará o sábado 2 de xuño, no parque de Acea de Ama (Culleredo).

A entrada será libre e a participación en actividades lúdicas e deportivas gratuíta. No evento expoñeranse os traballos realizados durante o curso.