A Concellería de Servizos Sociais, dentro do seu programa de lecer saudable para mozos, realiza unha oferta de actividades gratuítas nas que poderán participar mozas de 12 a 30 anos de toda a cidade durante os meses de xullo e agosto, co fin de promocionar actividades alternativas e hábitos saudables relacionados co lecer xuvenil e o lecer construtivo.

Estas actividades, cofinanciadas polo Ministerio de Sanidade, Política Social e Igualdade, son de carácter deportivo, ambiental, artístico, audiovisual, formativo... que os mozos poderán gozar no verán, elixindo entre un abano de actividades de lecer que levan a cabo en distintos centros cívicos.

Prazos de inscrición:

Do 15 ao 18 de xuño en cada un dos centros cívicos municipais onde se realiza a actividade. Consultar horario de inscrición en cada centro cívico. A admisión nas actividades será por orde de inscrición.