Baixo o convenio de colaboración co Concello da Coruña, a Federación de ANPAS de centros públicos oferta, para o curso 2026/2027, unha ampla gama de programas, denominados "Programas de lecer", deseñados para realizarse nos centros educativos coa cooperación dos seus equipos directivos e as ANPAS.

Como parte do compromiso do Servizo Municipal de Educación coas ANPAS e as familias, un dos principais propósitos é organizar actividades extraescolares que comparten o obxectivo fundamental de promover un desenvolvemento integral no tempo libre na infancia e a mocidade, abarcando tanto o aspecto físico como socioemocional dos/as participantes, sendo o xogo e a diversión fundamentais na súa execución; así como xerar un espazo para favorecer a conciliación familiar e laboral.

Nesta nova edición dos "Programas de lecer", a oferta amplíase coa incorporación de CHORUS, un programa educativo e cultural centrado no canto coral infantil.