Centenares de escolares de toda Galicia participarán este sábado 30 de abril na XV Feira Matemática 2022, organizada pola Asociación do Profesorado de Educación Matemática de Galicia en colaboración co Concello da Coruña.

Esta décimo quinta edición será inaugurada pola alcaldesa, Inés Rey García, no acto que terá lugar no vestíbulo de Proa de PALEXCO das 10.30 ás 20.00 horas, tamén acudirá Jesús Javier Celemín Sánchez, concelleiro de Educación, Memoria Histórica, Innovación, Industria e Emprego.

XV Feira Matemática

A Feira Matemática, unha xornada pensada para a divulgación desta ciencia, está dedicadca a todas as etapas educativas.

Cada centro, profesor e o grupo de alumnado poden expoñer unha ou máis propostas didácticas ou actividades matemáticas.

O lema deste ano para o Día Escolar das Matemáticas é "As matemáticas nos camiños de Santiago".

Para máis información: www.agapema.org