Emalcsa promove o concurso de vídeo "A auga nun minuto" con motivo do Día Mundial do Auga 2022. A temática deste ano, seguindo o lema marcado polas Nacións Unidas será "A auga subterránea: facer visible o invisible". Así, haberá que enviar un vídeo dun minuto de duración como máximo sobre esta temática abordada desde calquera perspectiva: ambiental, hixiénico-sanitaria, educativa, de lecer.

Participación

O prazo de participación xa está aberto e finaliza o 14 de marzo co obxectivo de que o 22 de marzo, Día Mundial da auga, as persoas e centros gañadores teñan un encontro. 

Como o ano pasado, os participantes deben pertencer ao ámbito territorial de actuación de Emalcsa: os concellos da Coruña, Arteixo, Cambre, Culleredo, Oleiros, Sada, Bergondo e Carral.

Categorías e premios

Con obxectivo de facer máis atractivo o concurso, este ano haberá dúas categorías. A de menores de 18 anos está deseñada a nivel grupal para que tanto os centros escolares como calquera tipo de asociación ou entidade poidan enviar vídeos. Haberá tres gañadores que levarán 500, 250 e 100 euros de premio para o centro ou entidade responsable, así como un diploma e agasallo particular para todos os membros do grupo gañador.

Na categoría de maiores de 18 anos, con todo, haberá a posibilidade de participar de xeito individual ou grupal. Pretende incorporar propostas dun carácter máis profesional e, neste caso, os premios só serán os metálicos (500, 250 e 100 euros).

Obxectivo

O obxectivo do certame é crear unha corrente de opinión e un debate público sobre a auga desde diferentes perspectivas e, no caso deste ano, resaltar a importancia dun ben tan relevante como a auga subterránea, normalmente invisible para as persoas.

Ligazón ás bases completas.

Presentación do concurso.