Concello da Coruña

Concello da Coruña

Cando:

31 de maio de 2023

Máis de 400 expertos en radioloxía médica danse cita nun congreso na Coruña

“É unha aposta firme por parte do Goberno Inés Rey de situar A Coruña como referente no ámbito congresual”, apuntou o concelleiro de Turismo, Juan Ignacio Borrego

Expertos e expertas en radioloxía médica participan nun congreso inaugurado hoxe en Palexco. Trátase das III Xornadas SERAM-ARRS: "Avances en radioloxía médica", un encontro de especialistas neste ámbito da medicina que se prolongará ata o venres. Neste foro de ámbito internacional, con relatores de distintas procedencias, como Estados Unidos, poñeranse sobre a mesa as novidades no campo da radioloxía médica e as novas tecnoloxías. Organizado pola Sociedade Española de Radioloxía Médica (SERAM) este congreso conta coa colaboración do Concello da Coruña a través do Consorcio de Turismo e Congresos da cidade

Estas xornadas son a consolidación dunha intensa actividade internacional da SERAM, cun programa científico de primeiro nivel e con relatores tanto españois como americanos que explicarán todas as posibilidades que a RM permite no día a día.

Máis de 400 profesionais deste campo da medicina danse cita estes días na cidade, unha cidade que se consolida con cada congreso como destino MICE. Como apuntou o concelleiro de RR Institucionais, Turismo e Seguridade Cidadá, Juan Ignacio Borrego, hoxe na inauguración deste foro, A Coruña "é unha cidade que se toma moi en serio a capacitación tecnolóxica e o desenvolvemento das novas intelixencias, sempre desde o talento, desde as persoas, para construír unha intelixencia artificial desde a ética e que ao mesmo tempo contribúa a mellorar a calidade de vida das persoas".

Borrego quixo agradecerlle á organización destas xornadas a elección da Coruña. "É unha aposta firme por parte do Goberno de Inés Rey de situar A Coruña como referente no ámbito congresual", apuntou o concelleiro de Turismo.

Categorías da noticia

Que che parece esta sección?

-101-101-101

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión