O alcalde da Coruña, Xulio Ferreiro, visitou na mañá deste sábado o stand da campaña "Máis claro auga" da Xunta de Galicia que comeza hoxe na cidade, para manifestar o apoio do Concello a iniciativas que, como esta, buscan concienciar dun consumo máis responsable da auga. "Todo o que teña que ver coa sustentabilidade é unha liña prioritaria para este Goberno municipal", indicou o rexedor coruñés, que chamou ao consumo responsable deste "ben común" por parte de todas e todos.

No stand, situado no exterior da praza de Lugo, ofrécese información e consellos para o aforro diario de auga en accións cotiás. Na presentación da campaña na Coruña esta mañá estivo presente tamén a conselleira de Medio Ambiente, Ethel Vázquez, e a concelleira de Medio Ambiente, María García.