O Concello despregou a noite do pasado venres unha campaña de concienciación na rúa para instar á cidadanía a respectar a limpeza da cidade, o descanso dos veciños e as normas básicas de hixiene cando se sae de festa. A iniciativa incluíu o reparto de información en diferentes puntos da cidade e a colocación de carteis divulgativos con frases como "Este é o teu sinal para pasalo ben respectando o descanso dos veciños e veciñas".

Despois de varias horas de traballo e percorrido polo rueiro municipal, dous grupos de técnicos formados por tres persoas cada un, repartiron, entre as 21.00 e as 2.00 horas, máis de 2.000 tote bags, 2.000 folletos con información e 2.000 pegatinas. Segundo os participantes, o recibimento por parte da cidadanía desta campaña foi, en xeneral, moi positiva.

"A todos gústanos pasalo ben. Non se trata de quedarse na casa pechado. O único que pedimos é sentido común e respecto a unhas normas básicas de convivencia cando saímos pola noite. Non é un esforzo moi grande, pero si marca unha gran diferenza", subliñou a alcaldesa, Inés Rey. 

Esta acción encádrase no plan do Concello para conseguir mellorar a convivencia no ocio nocturno, compatibilizando o disfrute co dereito ao descanso e a hixiene . Xa en marzo do ano pasado convocouse unha mesa de traballo para poñer en común os obxectivos de convivencia e avanzar en materia normativa. Tanto as asociacións veciñais como os propios hostaleiros contribuíron á difusión desta nova campaña do Concello, que se repetirá ao longo das próximas fins de semana.