Hoxe aprobouse en Xunta de Goberno Local a creación e posta en marcha do Consello Económico e Social, un órgano consultivo e de participación que ten como obxectivo implicar a cidadanía a través dos seus representantes na xestión e planificación da cidade.

"O dito órgano contará coa presenza das máis relevantes entidades económicas, sociais, profesionais, educativas e veciñais da cidade", apuntou a alcaldesa. Ademais dunha memoria anual, o Consello Económico e Social emitirá ditames sobre aqueles grandes proxectos previstos para a cidade. "A creación do Consello Económico e Social permitirá mellorar a participación e a transparencia a través dun organismo que aportará unha completa visión da cidade a través de todos os sectores que a integran", engadiu Inés Rey.