A alcaldesa, acompañada do Goberno local, presentoulles hoxe o Plan de barrios 2025-2027 ás entidades veciñais da cidade. Trátase dunha folla de ruta estratéxica que mobilizará 125 millóns de euros en actuacións distribuídas polos dez distritos da cidade.

O encontro contou coa participación de máis de trinta representantes de asociacións veciñais, co que se reforza a dimensión participativa dun proxecto pioneiro que, segundo explicou a rexedora, "é un documento vivo, que seguirá enriquecéndose coas achegas da cidadanía a través dun calendario aberto de encontros veciñais".

O plan estrutúrase arredor de cinco eixes principais:

1. Humanización e rexeneración urbana (45 M€)
2. Parques infantís e zonas verdes (12 M€)
3. Equipamentos e dotacións públicas (28 M€)
4. Mobilidade sostible e espazos públicos (15 M€)
5. Infraestruturas urbanas transversais (25 M€)

Actualmente o plan conta xa con máis de 30 actuacións en execución, outras 7 adxudicadas e 16 en fase de licitación, o que garante continuidade e estabilidade. "En total temos mobilizados xa máis de 20 millóns de euros en actuacións nos dez distritos" sinalou Rey.

Entre as intervencións destacan a remodelación dos Cantóns, a rehabilitación do mercado de Santa Lucía, a posta en marcha do parque do Observatorio na Agra ou a reforma do centro cívico de Labañou.

Calendario de encontros coa alcaldesa

A alcaldesa puxo en marcha un calendario de encontros veciñais ata finais de ano, un en cada barrio, para presentar o detalle das actuacións, recoller propostas e dar seguimento aos avances.

• Martes 23 de setembro | 19.00 horas - Centro Cívico Os Mallos
• Mércores 24 de setembro | 19.00 horas - Centro Cívico Castrillón
• Mércores 1 de outubro - 19.00 h | Centro Cívico San Diego
• Xoves 2 de outubro - 19.00 h | Centro Cívico Monte Alto
• Mércores 8 de outubro - 19.00 h | Centro Cívico O Birloque
• Martes 14 de outubro - 19.30 h | Centro Cívico Mesoiro
• Martes 21 de outubro - 19.00 h | Centro Cívico Os Rosales
• Martes 28 de outubro - 19.00 h | Cidade Vella - Casa Veeduría
• Mércores 29 de outubro - 19.00 h | Matogrande/Xuxán - Residencia DomusVi
• Martes 4 de novembro - 19.00 h | Centro Cívico Monelos
• Sábado 8 de novembro - 12.30 h | Centro Cívico Elviña
• Mércores 12 de novembro - 13.00 h | Centro Cívico de Pescadores
• Mércores 12 de novembro - 19.00 h | Centro Ágora
• Xoves 13 de novembro - 19.00 h | Centro Cívico Eirís
• Martes 25 de novembro - 19.00 h | Centro Cívico Sagrada Familia
• Mércores 26 de novembro - 19.30 h | Centro Cívico Palavea
• Xoves 27 de novembro - 13.00 h | Centro Cívico A Silva
• Mércores 3 de decembro - 19.00 h | Durmideiras (Mercado)
• Xoves 4 de decembro - 20.00 h | Centro Cívico Santa Lucía
• Martes 9 de decembro - 19.00 h | Visma (espazo veciñal)
• Mércores 10 de decembro - 19.00 h | Bens
• Xoves 11 de decembro - 13.00 h | Centro Cívico de Feáns
• Xoves 11 de decembro - 19.00 h | Nostián
• Luns 15 de decembro - 19.00 h | Pedralonga (Local AVV)
• Mércores 16 de decembro - 19.00 h | Riazor / Labañou (Biblioteca UDC)