O proxecto "Historical LGTBI+" quere recuperar e reivindicar a memoria histórica do colectivo LGTBI+ na Coruña. Reivindícase a nosa memoria histórica, a necesidade de lembrar que todos os colectivos temos unha memoria e un pasado, unha historia que necesitamos manter viva para non cometer os mesmos erros no futuro. Debemos mirar o pasado para entender o noso presente e para construír o noso futuro.

Con este traballo téntase contribuír á recuperación da memoria das persoas LGTBI+, tanto daquelas que sufriron a represión, como aquelas que viviron no franquismo e no comezo da democracia, e non puideron vivir plenamente, con todas as consecuencias persoais, familiares, psicolóxicas e laborais que afectaron á súa vida.

O proxecto nunha primeira fase centrarase na recuperación de testemuños de persoas LGTBI+ maiores de 60 anos. O obxectivo último será a realización dun documental sobre os comezos do activismo LGTBI na Coruña.

Fito Ferreiro da Asociación Palestra e director do proxecto

Paco Novo da Fundación 26 Decembro

Aurora Paz da Comision Recuperación da Memoria Histórica da Coruña

Ademais contarase cos testemuños de:

• Enrique Pérez
• María Solano
• Fernando Mosquera