Trátase dun espectáculo ideal para entreter e reflexionar, xa que aborda de forma amena o desenvolvemento de situacións de aprendizaxe, como a importancia da boa convivencia e o valor da lectura nas nosas vidas.

Desde o 23 de febreiro e ata o 21 de abril un total de 22 centros educativos de infantil e primaria acollerán o contacontos nas súas aulas.

A posta en escena mestura a narración oral con cancións orixinais e coreografías sinxelas. A través de escenografía e decorados introducirase a historia. Desenvolverase tamén un obradoiro de ilustración do personaxe principal, "o vampiro Ramiro".