13 de abril

Informámosvos de que o prazo de presentación de inscricións amplíase ata o día 18 de abril ás 14:00 h.

20 de marzo

O torneo dispútase en dúas categorías, fútbol masculino e fútbol feminino, para mozos e mozas (alumnado do mesmo centro educativo), nacid@s entre o 1 de xaneiro de 2006 e o 31 de decembro de 2007.

O modo de inscrición é moi sinxelo, pois só necesitades xuntar un mínimo de seis xogadores/as (máximo ata 8) e unha persoa responsable que sexa maior de idade e que faga de delegado/a para poder participar. A participación é gratuíta e podedes formalizar a inscrición no seguinte formulario

• Formulario de inscrición - V Torneo Cruyff Courts

Ademais podedes consultar máis información na web www.cruyff-foundation.org . Requirirase certificado de matriculación no centro (que se presentará o día do torneo).

O V Trofeo Cruyff Courts 6 vs 6 é un campionato que conecta a todos os Cruyff Courts do mundo e que lles permite ás persoas gañadoras desta cuarta edición loitar polo campionato nacional.

Ademais do aspecto puramente deportivo, o torneo aséntase nuns principios básicos que todas as persoas participantes deben asumir como propios, son as 14 regras establecidas por Johan Cruyff, que se aplican en todos os Cruyff Courts do mundo e que podedes consultar nos boletíns de inscrición. O respecto, unha das 14 regras de Johan Cruyff, é fundamental para o campionato.

Anímate e participa! Poñédevos de acordo un mínimo de seis amig@s e vivide unha experiencia nova, divertida e educativa. O prazo de inscrición finaliza ás 14:00 horas do día 18 de abril de 2018.