Ayuntamiento de A Coruña

Coruña en Forma

O Concello da Coruña ofrece cada verán o programa deportivo Coruña en Forma, unha iniciativa que ten como obxectivo converter os espazos públicos e urbanos en instalacións deportivas ao aire libre. Este programa ofrece actividades deportivas dirixidas, abertas á cidadanía, sen inscrición previa, e totalmente gratuítas para promover hábitos de vida saudables durante os meses de xullo e agosto.

A cidadanía poderá participar, de luns a venres, en horario de mañá e tarde, nas seguintes modalidades deportivas: ioga, tai-chi, ximnasia aeróbica, zumba, maiores en forma, pilates e tonificación muscular. As actividades estarán dirixidas por persoal especializado, que guiará ás persoas participantes a través dos distintos exercicios. As actividades terán un nivel de intensidade moderado para adaptarse a todo tipo de niveis de condición física das persoas participantes.