Tarifas (2021):

18 Tarifa Xeral (acceso, adestramentos e competicións, sen despacho de billetes)

• 18.1 Cota de entrada pública, por persoa e hora de uso 3,42€
• 18.2 Abono de 20 usos dunha hora en horario público 22,32€
• 18.3 Uso exclusivo rúa por hora 21,43€
• 18.4 Uso exclusivo piscina por hora 102,8€
• 18.5 Competicións que requiran o uso das seis cales por un período non superior a catro horas 145,64€

Nota aclaratoria: As entradas dun uso (3.42€) e os Abonos de 20 usos (22.32€) poden adquirirse nas oficinas do Servizo Municipal de Deportes, sitas no Polideportivo Municipal do Barrio das Flores, Cidade Deportiva da Torre e Cidade Deportiva de Riazor, en horario de atención ao publico de 08:00 a 14:00h de luns a venres

Solicitude uso instalacións deportivas municipais:

Realizarase nas oficinas de rexistro da Cidade Deportiva de Riazor, Cidade Deportiva de La Torre ou Polideportivo do Barrio das Flores, abonando a taxa correspondente (Ordenanza Fiscal nº 15); o seu abono poderá efectuarse tanto en efectivo como mediante cartóns.

Normas para os usuarios da piscina:

• Para acceder á piscina é imprescindible a presentación do carné ou retirar a entrada correspondente.
• Prohíbese a entrada na zona de praia con roupa ou calzado de rúa.
• É obrigatorio ducharse previamente á entrada no vaso, así como a utilización do gorro de baño.
• Recoméndase o emprego de zapatillas de auga por motivos de hixiene, así como o uso de albornoz e lentes de natación.
• Non se permite o emprego de colchóns, flotadores, aletas, lentes de cristal ou calquera outro elemento que poida orixinar risco para os demais usuarios.
• Respectarase en todo momento o uso da rúa asignada a cada actividade.
• Por razóns de seguridade queda prohibido lanzarse á auga polos laterais do vaso, así como correr pola zona de praia.
• As persoas que non saiban nadar ou padezan algunha enfermidade que leve risco, deberán advertilo previamente aos socorristas.
• Ao obxecto de facilitar un maior aproveitamento da instalación deberán seguir as instrucións dos socorristas.
• Os menores de 14 anos estarán acompañados dun adulto durante o uso libre da instalación.