1 DE XUÑO DE 2026 - LISTAXE DE ADXUDICACIÓN DE PRAZAS E LISTA DE ESPERA

Publícase a listaxe de adxudicación de prazas dos campamentos deportivos de verán 2026, así como a listaxe de lista de espera.

• Listaxe adxudicación de prazas por quenda - Campamentos Deportivos Verán 2026
• Lista de espera por quenda - Campamentos Deportivos Verán 2026 - ACTUALIZADA

Para elaborar estas listas tivéronse en conta os criterios de preferencia establecidos no punto 7.6 da convocatoria:

1. As persoas empadroadas no Concello da Coruña.
2. A orde de preferencia nas quendas indicadas na solicitude (Opción 1 ou Opción 2)
3. O número asignado á solicitude en relación ao número obtido no sorteo público (314)

MATRÍCULA E FORMALIZACIÓN DAS INSCRICIÓNS:

As persoas que obtivesen praza poderán formalizar a matrícula do 2 de xuño ás 08.00 h ao 5 de xuño ás 23.59 h, ambos os días incluídos.

Cada persoa só se poderá matricular nunha única quenda. A matrícula nunha quenda supón a renuncia expresa á outra quenda solicitada, agás que finalizada a lista de espera quedasen prazas dispoñibles (Punto 8.3 das bases).

LUGAR para formalizar a matrícula. Habilitaranse dúas modalidades:

• En liña: a través da plataforma Cronos Web (https://coruna.gal/CronosWeb/Login). Recomendamos consultar a guía de acceso: GUIA ACCESO - Cronos Web 2025

• Presencial: acudindo á caixa do Palacio de Deportes de Riazor. Terán preferencia as persoas que concerten cita previa (https://citaprevia.coruna.gal/) e no seu horario. As persoas sen cita poderán acudir a matricularse nos horarios que queden dispoñibles.

20 e 21 DE MAIO 2026 - LISTAXE DEFINITIVA DE SOLICITANTES E RESULTADO DO SORTEO PÚBLICO

Unha vez finalizado o prazo para a corrección de erros (dende a publicación da listaxe provisional ata o 19 de maio), publícase a listaxe definitiva de solicitantes, con indicación do número co que participarán no sorteo:

• Listaxe definitiva de solicitantes para sorteo - Cronolóxico - Campas Deportivos de Verán 2026

Así mesmo, publícase a listaxe coas solicitudes anuladas, que NON participarán no sorteo:

• Listaxe de solicitudes DESCARTADAS - Campas Deportivos de Verán 2026

O sorteo para obter o número de corte para a asignación das prazas terá lugar o xoves 21 de maio de 2026, ás 09.00 h.

Pódese seguir en directo a través da seguinte ligazón: SORTEO - Campamentos Deportivos Municipais - VERÁN 2026

• Número de corte establecido no sorteo realizado hoxe ás 09.00 h: 314

PRÓXIMAS DATAS DA CONVOCATORIA:

• Listaxe da adxudicación e lista de espera: 1 de xuño de 2026
• Matrícula: 2 ao 5 de xuño de 2026
• Xestión da lista de espera: dende o 10 de xuño de 2026

15 DE MAIO 2026 - PUBLICACIÓN DA LISTAXE PROVISIONAL DE SOLICITANTES

Pode consultar a listaxe provisional de solicitantes para os Campamentos Deportivos Municipais Verán 2026 na seguinte ligazón:

• Listaxe provisional de solicitantes Campamentos Deportivos Verán 2026

Ábrese o prazo para a corrección de erros dende esta publicación e ata o 19 de maio. As alegacións presentaranse por correo electrónico a través do enderezo  programasdeportivos@coruna.gal

De acordo coa cláusula 7.3 das bases da convocatoria, durante o prazo de corrección de erros non se permitirá o cambio de opcións de campamento nin se aceptarán novas solicitudes. Só se poderán emendar datos persoais consignados no formulario.

Publicación da listaxe definitiva de solicitantes: 20 de maio, coa inclusión do número para o sorteo, que será asignado por orde cronolóxica de entrada de cada solicitude.

PRÓXIMAS DATAS DA CONVOCATORIA:

• Sorteo: 21 de maio de 2026
• Listaxe de adxudicación e lista de espera: 1 de xuño de 2026
• Matrícula: 2 ao 5 de xuño de 2026
• Xestión da lista de espera: dende o 10 de xuño de 2026

30 DE ABRIL 2026 - CONVOCATORIA

Recoméndase consultar as bases na súa totalidade no documento adxunto no pé da páxina ou na seguinte ligazón:

• Basees convocatoria - Campamentos Deportivos Verán 2026

A continuación, publícase un extracto das bases que rexerán estes campamentos.

PERSOAS BENEFICIARIAS

Poboación infantil e xuvenil nada entre o 01/01/2014 e o 31/12/2020.

Aclárase que as persoas beneficiarias dos campamentos son as e os menores, non os seus ou as súas titores/as legais ou custodios.

Terán preferencia para a obtención dunha praza as persoas empadroadas na cidade da Coruña.

PROGRAMA E HORARIO

PROGRAMA TIPO

HORARIO	PROGRAMA TIPO
08:30-09:00	Horario de conciliación 1
09:00-10:30	Actividade deportiva I
10:30-12:00	Actividade deportiva II
12:00-12:30	Merenda (deberá ser achegada polo/a participante)
12:30-14:00	Actividade deportiva III
14:00 / 14:30	Horario de conciliación 2

Actividades previstas: durante o desenvolvemento de cada quenda destes campamentos está previsto realizar actividades deportivas variadas.

HORARIO

As actividades dos campamentos desenvolveranse de luns a venres, excepto festivos, en horario das 09.00 ás 14.00 horas.

Poderase solicitar o horario ampliado de conciliación, coas seguintes posibilidades:

• Entrada: entre as 8.30-9.00 h
• Saída: a elixir entre:
  • 14.00 h
  • 14.30 h

O horario ampliado non supón un custo engadido.

LUGAR DE REALIZACIÓN

Os campamentos terán dúas sedes:

• Cidade Deportiva de Riazor
• Polideportivo de Novo Mesoiro

Estas sedes utilizaranse como punto de entrega e recollida de participantes.

Intentarase realizar actividades ao aire libre, para o que se poderán desprazar a outros espazos e instalacións deportivas.

Poderanse programar excursións e actividades noutros puntos de interese da cidade. Haberá autobús para realizar algunha das saídas.

QUENDAS E PRAZAS

Establécense 4 quendas:

• QUENDA 1: do 1 ao 15 de xullo de 2026
• QUENDA 2: do 16 ao 31 de xullo de 2026
• QUENDA 3: do 1 ao 15 de agosto de 2026
• QUENDA 4: do 16 ao 31 de agosto de 2026

Ofértanse un total de 640 prazas, organizadas en 160 prazas por quenda, organizadas da seguinte maneira:

• Cidade Deportiva de Riazor: 120 prazas/quenda
• Polideportivo de Novo Mesoiro: 40 prazas/quenda

PREZO

En aplicación da disposición 15.10 da Ordenanza fiscal núm. 15 vixente, e tendo en conta o número de sesións, o prezo dos campamentos deportivos municipais será o que se recolle a continuación:

QUENDA	DATAS	Núm. SESIÓNS	PREZO/QUENDA
1.ª quenda	Do 1 ao 15 de xullo	11	48,18 €
2.ª quenda	Do 16 ao 31 de xullo	12	52,56 €
3.ª quenda	Do 1 ao 15 de agosto	10	43,80 €
4.ª quenda	Do 16 ao 31 de agosto	11	48,18 €

O horario ampliado non supón un custo engadido.

Poderán obter unha redución do 50% da taxa relativa aos campamentos aquelas persoas que conten cuns rendementos económicos brutos per cápita, computados anualmente por todos os conceptos e por unidade familiar, que non superen o indicador público de renda de efectos múltiples vixente no momento de efectuar a solicitude.

As persoas que durante o prazo establecido non formalizasen a inscrición do/a menor, entenderase que renuncian á praza obtida e procederase a activar a lista de espera.

CRITERIOS DE PREFERENCIA PARA A ADXUDICACIÓN DE PRAZAS

O número agraciado no sorteo establecerá o corte a partir do cal se adxudicarán as prazas. Para a orde de preferencia terase en conta:

- 1.º As persoas empadroadas no Concello da Coruña.

- 2.º A orde de preferencia da quenda indicada na solicitude (opción 1 ou opción 2).

- 3.º O número asignado á solicitude en relación ao número obtido no sorteo público.

As persoas admitidas na súa primeira opción de preferencia quedarán automaticamente excluídas para a adxudicación na súa segunda opción, e pasarán ao final da lista de espera.

As persoas que non obtivesen praza neste proceso pasarán a formar parte da lista de espera.

DATAS QUE CÓMPRE TER EN CONTA

As principais datas que hai que ter en conta son as seguintes:

TRÁMITE	DATAS
Preinscrición	4, 5, 6 e 7 de maio de 2026
Listaxe provisional de solicitantes	15 de maio de 2026
Corrección de erros	desde a publicación da listaxe provisional e ata o 19 de maio de 2026 a traves do correo electrónico programasdeportivos@coruna.gal
Listaxe definitiva para o sorteo	20 de maio de 2026
Sorteo (en caso de ser necesario)	21 de maio de 2026
Listaxe de adxudicación de prazas	1 de xuño de 2026
Matrícula das persoas admitidas	Do 2 ao 5 de xuño de 2026
Xestión da lista de espera	A partir do 10 de xuño de 2026

PREINSCRICIÓNS - LIGAZÓN AO FORMULARIO

As solicitudes para participar nos campamentos realizaranse, do 4 ao 7 de maio, a través do seguinte formulario:

• Solicitude de preinscrición nos campamentos deportivos de verán

Non se admitirán preinscricións realizadas por outros medios.

Poderanse solicitar un máximo de 2 opcións, por orde de preferencia.

Cada menor só poderá constar nunha única solicitude (individual ou familiar). No caso de rexistrar, para unha mesma persoa, máis dunha solicitude, só se terá en conta a última e anularanse todas as feitas con anterioridade.

Solicitude familiar: para colaborar na conciliación das familias, no caso de que desexen optar á mesma quenda de campamento, deberán cubrir un único formulario de preinscrición (solicitude familiar), coa condición de que todos/as os/as menores sexan membros da mesma unidade familiar ou demostren convivencia no mesmo domicilio.

• A solicitude familiar permite nun mesmo formulario a preinscrición de ata 3 menores. No caso de superar esta cifra, deberán cubrir outro formulario correlativo se desexan optar á mesma quenda.
• No caso de que se presenten solicitudes-formularios diferentes non se garante a asistencia á mesma quenda.

Aclárase que as persoas beneficiarias son as e os menores, por tanto só poderán realizar a solicitude de preinscrición e a matrícula, de ser o caso, os/as titores/as legais que teñan a custodia. No caso de custodia compartida, os/as interesados/as deberanse poñer de acordo previamente; no caso de non alcanzar acordo, deberán remitirse ao Servizo de mediación de familia da Xunta de Galicia ou organismo competente, que será quen determine que custodio debe formalizar a solicitude e a matrícula.

NON DEIXES PASAR O VERÁN SEN FACER DEPORTE. APÚNTATE!!

Ligazón á web xeral de campamentos municipais: /web/gl/actualidade/axenda/campamentos-de-veran-2026