Despois de máis de dúas décadas no máis alto, Yandel -a lenda do reggaeton, un dos seus creadores e responsable máximo da súa difusión como o xénero máis importante dos últimos anos a nivel global- continúa arriscando e innovando para ofrecerlle aos seus millóns de fanáticos o seu talento e as súas cancións. Mesmo de formas nunca vistas anteriormente.

Este é o caso do seu show Yandel 'Sinfónico', co que conseguiu dous sold out no Movistar Area de Madrid. Neste directo, Yandel reivindica o seu legado e reinterpreta os grandes -e numerosos- éxitos da súa carreira acompañado dunha orquestra formada por decenas de músicos con formación clásica que versionan as súas cancións na clave que serve de nome para o show.

E é que tras o éxito no Movistar Area de Madrid, Yandel visitará o Coliseum da Coruña o próximo 12 de xullo de 2026.

VENDA DE LOCALIDADES

• Venda en liña: ataquilla.com
• Venda en despacho de billetes Pza Ourense: de luns a venres excepto festivos de 11.00 a 15.00 e de 16.30 a 19.30 h
• Despacho de billetes Coliseum: unicamente a tarde de concerto.