Os membros do Consello Local dá a Infancia da Coruña (CLIAC) visitaron os estudos de Onda Cero para participar nun programa especial.

Durante a emisión leron un manifesto, preparado por eles/as mesmos/as, con motivo da próxima celebración do Día Internacional da Muller previsto para o 8 de marzo. Ademais, tamén expuxeron algunhas das accións que levaron a cabo durante o curso, como parte da programación do Consello Local da Infancia.

Ao acto asistiron un total de 13 nenos e nenas que forman parte deste proxecto educativo, cuxo obxectivo consiste en que os participantes coñezan a cidade, os seus recursos, as súas necesidades e que expoñan propostas de mellora desde o seu enfoque.