O próximo 1 de marzo, martes de Entroido e festivo local, a entrada á Casa das Ciencias, Domus e Aquarium Finisterrae será gratuíta. Para acceder será imprescindible realizar unha reserva de entradas. Na Casa das Ciencias, ademais da visita ás salas de exposicións, haberá catro sesións de planetario, para as que tamén se debe reservar entrada.

Para facilitar o acceso ás persoas maiores de 65 anos, estas poderán acceder sen reserva, acompañadas doutra persoa se o precisan; no caso de querer asistir a unha sesión de planetario, si deberán realizar a reserva de entrada.

As reservas poderán realizarse, cun máximo de 3 días de antelación, nas seguintes ligazóns:

Reservas Casa das Ciencias

Reservas Domus

Reservas Aquarium Finisterrae

O horario de apertura o 1 de marzo será das 10.00 ás 19.00 horas, co último acceso ás 18.00 horas no Aquarium Finisterrae, e ás 18.30 h na Casa das Ciencias e Domus.