O Aquarium Finisterrae organiza, con motivo do Día Mundial da Natureza, que é o 3 de marzo, unha actividade para coñecer de preto unha mostra da enorme variedade dos invertebrados máis sorprendentes da natureza. Poderase descubrir en vivo e en directo diferentes aspectos da bioloxía de especies como escorpiones, milpiés xigante, escaravello goliat, migalas, bolboretas xigantes, insecto folla, insectos pau, cangrexo ermitán dos bosques, cascudas de Madagascar, caracol xigante de terra, etc.

Ao tratarse dunha actividade con animais vivos, atendida por Miguel Santamaría, biólogo e divulgador científico, o taller achega un compoñente emocional moi importante, xa que permite a acódelas asistentes interactuar coa maioría das especies.

Haberá dúas sesións deste taller, o sábado 7 e o domingo 8 de marzo, en horario de 12 a 14 horas. A actividade está dirixida a públicos de todas as idades. As persoas que desexen asistir deberán abonar o prezo da entrada ao Aquarium Finisterrae que lles corresponda e retirar un pase gratuíto para o taller. A actividade ten capacidade limitada para 90 participantes.