Uso de cookies nas páxinas web do Concello da Coruña

Nas páxinas web municipais utilizamos cookies propias e de terceiros para mellorar os nosos servizos mediante a análise dos seus hábitos de navegación. Se continúa navegando, consideramos que acepta o seu uso. Pode obter máis información, ou coñecer como cambiar a configuración, na nosa páxina de "Normas de uso".

Concello da Coruña

  • Compartir
  • Engadir ao meu móbil | 
  • Imprimir

Por que o xabón nos protexe da COVID-19?

Experimenta na casa por que lavar as mans desactiva o coronavirus

As películas de xabón pódense comportar como as membranas das células e dalgúns virus. Así que imos facer un experimento sobre que sucede cando o xabón e as membranas do novo coronavirus entran en contacto. (Podes seguir o experimento premendo nas imaxes e deslizando cara á esquerda).

>> Necesitamos: lavalouzas, auga, glicerina, corda, dúas palliñas, tesoiras e unha bandexa que sexa máis ancha que as palliñas.

>> Construímos: para facer o líquido de burbullas, mesturamos lavalouzas e auga nunha proporción de 1:10, agregando unha cullerada de glicerina. Enche a bandexa coa solución xabonosa ata unha profundidade de polo menos 2,5 cm.

Corta un anaco de corda que sexa aproximadamente catro veces a lonxitude da palliña. Pásao a través das dúas palliñas e ata os extremos, para facer un lazo. Move as palliñas e o cordel para darlle forma de rectángulo. Este é o marco para a lámina de xabón. Move o fío a través das palliñas de maneira que o nó quede oculto dentro dunha das palliñas.

Para crear un mango para o marco, corta outro anaco de corda que sexa aproximadamente tres veces a lonxitude da palliña. Pasa o fío a través dunha das palliñas e ata os extremos.

>> Experimentamos: suxeitando o marco polo mango, mergullámolo todo na solución de xabón. Levanta o marco polo mango. Debe haber unha película de xabón rectangular entre as dúas palliñas. Se non a hai, proba a mergullar e levantar o marco de novo.

Sopra suavemente sobre a película e observa que sucede. Molla o dedo na solución de xabón. Atravesa suavemente a película de xabón co dedo. E agora, que acontece? Podes mover o dedo pola película? Molla un dedo en auga normal, sen xabón, e introdúceo na película. Cambia algo? Intenta introducir suavemente un dedo seco a través da película de xabón. Que pasa agora?

>> Pensamos: este experimento utiliza unha película de xabón para facer un modelo de como se comportan as membranas. Algúns virus, incluíndo o novo coronavirus, están rodeados polo mesmo tipo de membranas que rodean as células humanas. Posto que o xabón ten propiedades similares aos compoñentes da membrana dun virus, pode romper a membrana viral cando entran en contacto, inactivando o virus.

Novidades

Noticias

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión