«A campaña do Argus» contén unha colección de imaxes realizadas polo fotógrafo e mariño australiano Alan Villiers, quen embarcou na primavera de 1950 no buque Argus con pescadores portugueses, nunha viaxe que o levou desde Lisboa ata os bancos de Terranova.

A pesca do bacallau era a última actividade económica que usaba a navegación a vela en viaxes transoceánicos, e o Argus era un dos veleiros de pesca máis impoñentes da mítica frota White Fleet.

Esta colección de fotografías constitúe un minucioso e fermoso testemuño da pesca do bacallau naqueles veleiros, e permite entender os múltiples significados deste patrimonio singular.

«A campaña do Argus» é unha produción do Museu Marítimo de Ílhavo/Câmara Municipal de Ílhavo, Portugal.

A exposición chega á Coruña no marco do proxecto de cooperación interterritorial e transnacional Pasaporte REMA, iniciativa promovida pola Consellería do Mar, e financiada polo Fondo Marítimo de Pesca (FEMP) na que participan os Grupos de Acción Local do Sector Pesqueiro (GALP) galegos.