Tecnoplanetario é unha reunión profesional que se realizou en anos anteriores noutros planetarios e que por primeira vez se realiza na Casa das Ciencias da Coruña. Preto de corenta profesionais que traballan nos planetarios da Aula do Cel OAUV de Valencia, Museo de Ciencia de Valladolid, Centro Principia de Málaga, Planetario de Serón en Almería, Parc Astronómic del Montsec en Lleida, Planetario de Madrid, Planetario de Pamplona, Parque de las Ciencias de Granada, Hemisféric de Valencia, Museo Elder de la Ciencia y la Tecnología das Palmas, Planetario do Museo de Castela-A Mancha, Casa de la Ciencia de Sevilla, Málaga Planetarium e Casa das Ciencias da Coruña compartirán estes días as novidades e experiencias sobre a produción de audiovisuais e as tecnoloxías para as proxeccións que levan a cabo neste tipo de instalacións.

O evento conta tamén coa participación de empresas distribuidoras que presentarán os seus produtos e novidades en postos informativos.

A Reunión Tecnoplanetario 2022 está organizada pola Casa das Ciencias-Concello da Coruña, coa colaboración da Asociación de Amigos da Casa das Ciencias e a Agrupación Astronómica Coruñesa Ío.