Baixo o título «O Telescopio Espacial James Webb: mirando cara atrás no tempo», a enxeñeira principal de Sistemas no Centro Espacial Goddard da NASA Begoña Vila compartirá os seus traballos, o vindeiro xoves 19 de agosto ás 19.30 h na Domus, sobre o telescopio máis grande e complexo que lanzásemos nunca ao espazo. Cun espello composto doutros máis pequenos, un gran parasol que se abrirá en órbita e instrumentos que funcionarán a -230° C, o Telescopio Espacial James Webb (JWST) axudará a ver a infancia do noso Universo e a descubrir planetas candidatos para a vida. Nesta charla, Vila profundará na nova etapa de exploración espacial que se abre grazas ao JWSR, que se lanzará en novembro de 2021.