Os Museos Científicos Coruñeses celebran o Día dos Museos con xornada de portas abertas o 24 de maio.

Para visitar o Aquarium Finisterrae será imprescindible realizar unha reserva de entradas, que se poderá realizar cun máximo de 3 días de antelación nesta ligazón. Para facilitar o acceso ás persoas maiores de 65 anos, estas poderán acceder sen reserva.

A visita ás salas de exposicións da Casa das Ciencias será libre, pero para asistir a unha sesión de Planetario haberá que reservar entradas, cun día de antelación, nesta ligazón.

Haberá as seguintes sesións de planetario:

• 11.30 h: Dinosauros. Unha historia de supervivencia (galego, 6-12 anos)
• 13.00 h: Biosfera oscura (castelán, + 10 anos)
• 17.00 h: Hazelnuts. Na procura do planeta perfecto (galego, 4-7 anos)
• 18.00 h: O ceo de hoxe (directo), (cast./gal., + 10 anos)

Na Domus a entrada nesta xornada será libre, sen reserva previa.

Concerto no Aquarium

A celebración do Día dos Museos completarase no Aquarium Finisterrae cun concerto que se ofrece a través da Asociación Cultural Tres por Catro, e no que participa o grupo EntrElas, formado exclusivamente por voces femininas que cantan a capela a súa particular versión de temas actuais e atemporais.

Será ás 17.00 horas do 24 de maio e para asistir é necesario reservar as entradas do Aquarium Finisterrae para esa franxa horaria.