Contará con dúas sesións, o sábado 16 e o domingo 17 de marzo ás 20.00 h, no que intervirán poetas internacionais e galegos, estes últimos coordinados por Yolanda Castaño.
Para público en xeral
Dende o 16/03/2024 ata o 17/03/2024
Xa rematou
Dende o 11/03/2024
PRAZAS ESGOTADAS
Ás 20.00 horas
Casa das Ciencias. Parque de Santa Margarita s/n. 15005 A Coruña
2,06 euros
A Casa das Ciencias acolle a fin de semana do 16 e 17 de marzo o festival de poesía e planetarios do proxecto europeo «Urban Travel Machines» («Máquinas de Viaxar Urbanas») no que intervirán poetas internacionais e galegos, que irán acompañados de imaxes proxectadas a toda cúpula desenvolvidas especialmente para cada poema.
O sábado 16 recitarán a poeta belga Julie Lombe, o poeta lituano Marius Povilas e as poetas galegas Alba Cid, Yolanda Castaño e Silvia Penas. O domingo 17 será a quenda do poeta grego Artemios Moulos, o surafricano Motswitla Hlakotsa, e as galegas Estíbaliz Espinosa, Dores Tembrás e Antón Lopo. Ambas as sesións terán lugar ás 20.00 h e estarán pechadas polo coordinador deste proxecto europeo, Philip Meersman, cunha interpretación poética interactiva co público.
As entradas para asistir sairán á venda o luns 11 de marzo ás 10.00 h nesta ligazón.
A coordinación dos e das poetas internacionais e do desenvolvemento das imaxes que os acompañan correu a cargo do xestor cultural belga Philip Meersman e a especialista audiovisual Janna Beck. Mentres que a coordinación das voces galegas estivo en mans da poeta e xestora cultural Yolanda Castaño, Premio Nacional de Poesía 2023, e as imaxes destes últimos foron xeradas polo creador italiano Vito Foderà e por Marcos Pérez, director técnico da Casa das Ciencias.
Proxecto «Urban Travel Machines»
Trátase dun proxecto financiado polo programa «Europa Creativa», que involucra desde outubro de 2022 a tres universidades (Escola de Arte, Deseño e Arquitectura, de Helsinqui-Universidade Aalto; Academia polaco-xaponesa de Tecnoloxía da Información, de Varsovia; e Real Academia de Belas Artes, de Anveres) e catro planetarios europeos (Tartu, en Estonia; Viena, en Austria; Bruxelas en Bélxica; e A Coruña) no desenvolvemento de contidos poéticos de inspiración científica.
O proxecto, que se prolongará ata o outono do 2024, cun festival de peche no planetario de Bruxelas, ten como finalidade organizar encontros creativos en universidades e festivais en planetarios co fin de promover obras poéticas contemporáneas, experimentais e innovadoras, para crear experiencias inmersivas no público de planetarios europeos, a través de actuacións en directo acompañadas de narracións orais e visuais.
PROGRAMA
- Sábado 16 de marzou. 20.00 h recital poético no planetario da Casa das Ciencias.
Domingo 17 de marzo. 20.00 h recital poético no planetario da Casa das Ciencias.
23 de abril de 2024
Terá lugar o sábado 4 de maio, no Parque de Santa Margarida, de 11.00 a 19.00 horas.
22 de abril de 2024
O prazo de presentación de traballos finaliza o 3 de xuño nas oito modalidades do certame
21 de marzo de 2024
A Casa das Ciencias, a Domus e o Aquarium Finisterrae abren todos os días das 10.00 ás 19.00 horas.
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible