*Nota: No caso de que os seguintes documentos esixidos xa obrasen en poder de calquera órgano do Concello da Coruña, a persoa solicitante poderase acoller ao establecido no artigo 53.1, letra d, da Lei 39/2015, de 1 de outubro, de procedemento administrativo común, sempre que se faga constar a data e o órgano ou dependencia en que foron presentados ou, de ser o caso, emitidos, e a condición de que non transcorresen máis de cinco anos desde a finalización do procedemento ao que correspondan. Nos supostos de imposibilidade material de obter o documento, o órgano competente poderalle requirir á persoa solicitante a súa presentación, ou, na súa falta, a acreditación por outros medios dos requisitos a que se refire o documento.

Sen prexuízo do disposto anteriormente, poderáselles requirir que acheguen cantos datos, documentos complementarios e aclaracións resulten necesarios para tramitar e resolver o procedemento.

Persoas físicas:

1. Cada persoa poderá realizar unha única solicitude de adxudicación en só unha das catro localizacións de hortas urbanas (Agra do Orzán, Novo Mesoiro, parque de Eirís e parque de Adolfo Suárez).
2. As persoas físicas interesadas deberán presentar unha declaración responsable/solicitude conforme ao modelo que se recolle no Anexo I (Mod.078 dispoñible no apartado: "Documentos relacionados"), de acordo co artigo 66 da Lei 39/2015, de 1 de outubro, do procedemento administrativo común das administracións públicas.
3. As persoas físicas achegarán xunto coa declaración responsable/solicitude do Anexo I (Mod.078), a seguinte documentación:

• Se a persoa ten unha antigüidade inferior a seis meses de empadroamento no Concello da Coruña, presentará, segundo corresponda:
  • Os documentos que acrediten a súa condición de vítima de violencia de xénero, conforme co sinalado no artigo 5 da Lei 11/2007 galega para a prevención e o tratamento integral da violencia de xénero.
  • A copia da baixa consular e a acreditación documental da súa residencia no Concello da Coruña, no caso de persoas emigrantes galegas.
  • Os documentos que acrediten que ten recoñecida a condición de persoa refuxiada polo organismo competente da Administración Xeral do Estado ou cuxa solicitude de asirlo sexa admitida a trámite, ou, no caso de non dispoñer deste recoñecemento, a autorización de permanencia en España por razóns humanitarias ou de interese social.
• No caso de solicitar a autorización como pertencente ao grupo II, por motivo da renda, presentará, segundo corresponda:
  • Copia da resolución de concesión da RISGA.
  • Copia da Renda Social Municipal.
  • Certificado negativo do non deber de presentación de declaración da renda da persoa solicitante e de cada un dos membros da unidade familiar maiores de 16 anos, expedida pola Axencia Estatal da Administración Tributaria correspondente a 2022 , ou, de ser o caso, declaración ou declaracións do imposto da renda da persoa solicitante e de todos os membros da unidade familiar maiores de 16 anos. Achegaranse tamén unha declaración responsable co nome e os apelidos dos membros da unidade familiar e do importe total dos ingresos mensuais da unidade familiar.
• No caso de solicitar a autorización como pertencente ao grupo II, por motivo de ser muller vítima de violencia de xénero:
  • Os documentos que acrediten a súa condición de vítima de violencia de xénero, conforme co sinalado no artigo 5 da Lei 11/2007 galega para a prevención e o tratamento integral da violencia de xénero.
• No caso de solicitar a autorización como pertencente ao grupo IV, presentará a resolución do recoñecemento dunha minusvalía igual ou superior ao 33% e do recoñecemento da existencia de dificultades para utilizar transportes colectivos.

A determinación dos membros da unidade familiar realizarase atendendo á situación existente o 31 de decembro de 2022. Para os efectos desta convocatoria, enténdese por unidade familiar as persoas que convivan no mesmo domicilio e estean vencelladas por razóns de matrimonio ou calquera outra forma de relación análoga, por adopción ou acollemento, ou por parentesco de consanguinidade ou afinidade ata o cuarto e segundo grao respectivamente.

Persoas xurídicas:

As asociacións ou os centros de ensino interesados deberán presentar unha declaración responsable/solicitude conforme ao modelo que se recolle no Anexo II (Mod.0781 dispoñible no apartado: "Documentos relacionados"), de acordo co artigo 66 da Lei 39/2015, de 1 de outubro, do procedemento administrativo común das Administracións Públicas.

Achegarán, xunto coa declaración responsable/solicitude do Anexo II (Mod.0781), a seguinte documentación:

1. Copia dos estatutos da entidade e do Regulamento interno, no seu caso.
2. Memoria explicativa do proxecto social, pedagóxico, terapéutico ou ambiental para desenvolver na horta urbana. Non terá unha extensión superior a 20 páxinas -10 follas- (fonte Arial, interlineado sinxelo). A memoria explicará os seguintes aspectos:
   1. Obxectivo xeral e obxectivos específicos do proxecto.
   2. Xustificación de como se utilizará a ecohorta para alcanzar os obxectivos específicos expostos.
   3. Xustificación do colectivo de persoas ás que se destina o proxecto.
   4. Metodoloxía e planificación das actividades de comunicación e integración co resto de acódelas usuarias das ecohortas e co resto da veciñanza.

Terase en conta, para determinar a sede social da entidade, o domicilio que figure nos seus estatutos. De modificarse o domicilio social, deberá acreditarse a súa modificación no rexistro correspondente. En todo caso, entenderase cumprido este requisito cando a entidade solicitante estea inscrita no Rexistro Municipal de Asociacións Coruñesas. No caso de existir delegación da entidade, esta deberá acreditarse mediante o contrato ou o documento de valor xurídico similar a nome da entidade na que conste que a súa utilización será para actividades da propia entidade.