O Día da Ciencia na Rúa, que tradicionalmente reúne a ducias de centros educativos e miles de persoas no Parque de Santa Margarida, trasladouse este ano de maneira excepcional ao Teatro Colón adaptándose ás circunstancias sanitarias.

O evento, que se desenvolveu entre as 10 da mañá e as 6 da tarde en 3 bloques horarios, foi gravado na súa totalidade. Agora publícanse os vídeos coas actuacións de todos os grupos escolares que participaron en cada un deses bloques. Están dispoñibles aquí (entrando no parque virtual e desprazándose á dereita ata ver o cartel do Día da Ciencia 2021).

Os centros que participaron neste especial Día da Ciencia foron: IES Menéndez Pidal, CEE María Mariño, IES Rosalía Mera, Colexio Montespiño, Colexio Franciscanas, EI Monte Alto, EI Os Cativos, Colexio Internacional Eirís, Colexio Maristas, IES David Buján, IES Eusebio da Guarda, CPR Nosa Señora do Carme, IES Elviña, CPR Andaina, IES Agra do Orzán, IES Rego de Trabe e CPR A Grande Obra de Atocha.

O Día da Ciencia está organizado polo Concello da Coruña, a través dos Museos Científicos, e a Asociación de Amigos da Casa das Ciencias, coa colaboración de EMALCSA e a Cátedra UDC-EMALCSA.