O Instituto de Investigación Biomédica da Coruña (INIBIC), en colaboración cos Museos Científicos Coruñeses-Concello da Coruña, organiza a XI Reunión de Mozos Investigador@s no Estranxeiro, que se celebrará o luns 28 de decembro, en horario de 15 h a 18.30 h, a través da canle de YouTube dos Museos Científicos Coruñeses.

Durante a xornada, unha vintena de investigadores e investigadoras realizarán as presentacións dos seus traballos en formato flash (cinco minutos), e as investigadoras Marisol Soengas e María Mayán pecharán a sesión con dúas charlas de doce minutos.

A XI Reunión finalizará coa entrega dos seguintes premios:

- Premio Anxos Alvariño á mellor traxectoria profesional. Premio concedido polos Museos Científicos - Concello da Coruña.

- Premio ao traballo presentado con maior impacto social. Premio concedido por Fillos de Rivera S.L.

- Premio á mellor traxectoria profesional «Científica moza menor de 30 anos». Premio concedido pola Asociación de Mulleres Investigadoras e Tecnólogas de Galicia, AMIT-Gal.

O programa de presentacións pode consultarse aquí.