Teatro do século XIX, de estilo ecléctico, situado en pleno centro da cidade e moi próximo á praza de María Pita. Acolle os máis prestixiosos eventos e espectáculos musicais.

Datos de interese

Dispón dun escenario de 150 m2 e dunha capacidade de entre 601 e 673 localidades. En 1838 o Concello adquiriu o soar da antiga igrexa de San Xurxo para construír o teatro e emitiu unha subscrición pública de accións para realizar a construción. En 1841 finalízanse as obras do Teatro Novo ou Principal. No ano 1867 o teatro sufriu enormes danos por un incendio, o que fixo que se reconstruíse en 1868. No ano 1909 toma o seu nome actual, Teatro Rosalía Castro. En 1910 o teatro adáptase para realizar proxeccións cinematográficas.

Picasso e o Teatro Rosalía

Picasso acudiu a representacións teatrais de obras de Echegaray no hoxe chamado Teatro Rosalía de Castro, entón Teatro Principal.

Vídeos

A cara oculta do teatro