O Aquarium Finisterrae organiza unha visita guiada temática polas súas instalacións para o 22 de maio, Día Internacional da Diversidade Biolóxica. Nesta actividade, persoal educador do centro realizará unha introdución á orixe da biodiversidade, as fluctuacións que tivo ao longo da historia da vida (extincións), a biodiversidade mariña no mundo actual, as principais ameazas (especies invasoras, sobreexplotación, alteración do territorio), para finalizar coa visita aos tanques de gran volume da Sala Maremagnum, onde se presentarán as especies máis representativas do litoral atlántico.

A actividade comezará ás 17.30 h do venres 22 de maio e para participar hai que acudir ao Aquarium Finisterrae, aboar a entrada ao museo que lle corresponda a cada persoa e sumarse ao evento. A visita guiada está limitada a 50 prazas e terá unha hora de duración.