1. circuitos@domus

Martes, de 11:00 a 12:30 h. Experimenta con baterías, lámpadas, timbres, interruptores, e moitos outros compoñentes eléctricos, para comezar a comprender o mundo da electricidade. Crea conexións eléctricas entre obxectos cotiáns e descubre outras moi sorprendentes.

Alumnado de primaria (5º e 6º) e ESO (1º e 2º)

2. robots_garabateadores@domus

Martes, de 11:00 a 12:30 h. Inventa o teu propio dispositivo de motor que se move das formas máis inesperadas e debuxa garabatos incribles. Constrúeo con elementos moi sinxelos e un motor que, ao vibrar, fai que o robot se mova pintando curiosos trazos.

Alumnado de primaria (5º e 6º) e ESO (1º e 2º)

Outros talleres

Dispoñemos de máis talleres arredor da construción de autómatas, circuítos téxtiles, robótica ou microprocesadores. Para saber máis, podes contactarnos en domus@casaciencias.org ou no 981 189 840.

Estes talleres están inspirados nos materiais do TinkeringStudio do Exploratorium e en materiais desenvolvidos pola asociación BricoLabs.

maker@domus, ademais de acoller os traballos de Bricolabs, é o escenario da Feira de Tecnoloxía OSHWDem.