Nunha sesión en directo o público pode participar e dialogar coa persoa que manexa o planetario, que nos leva por estrelas e constelacións visibles a primeira ollada. Un percorrido sempre diferente e salpicado de lendas, música e curiosidades da vida cotiá.

As visitas escolares poden gozar de sesións en directo. Para o público xeral hai sesións en directo as fins de semana e festivos (durante o curso escolar) e a diario (en xullo e agosto).

Tamén hai sesións especiais en directo o último sábado de cada mes:

• 11:00 O ceo para informados/as | 50 min, público xeral (+ 14 anos con coñecementos previos en astronomía). Para persoas afeccionadas á astronomía con experiencia.
• 12:00 O ceo do mes | 50 min, público xeral (+ 10 anos). Para descubrir o ceo das próximas semanas.

Os programas gravados son documentais e contos sobre astronomía. Ademais de estrelas e planetas, na cúpula do planetario proxéctanse ilustracións, fotografías panorámicas e animacións xeradas por ordenador.