Concello da Coruña

Concello da Coruña

Servizo de Axuda a Domicilio - SAD Dependencia

Conxunto de atencións domiciliarias dirixidas ás persoas en situación de dependencia recoñecida, co fin de atender as necesidades básicas da vida diaria e incrementar a súa autonomía, posibilitando a permanencia no domicilio.

A quen vai dirixido?:

Persoas recoñecidas como dependentes que presenten dificultades para a realización de determinadas tarefas de carácter persoal ou doméstico e que teñan recoñecido o dereito a este servizo polo Sistema para a Autonomía e Atención á Dependencia.

Organiza:

O servizo estará prestado por algunha das entidades prestadoras de SS. SS. ás que se lles adxudique contrato mediante concurso público.

Requisitos:

Residir no municipio da Coruña.

Ser recoñecido como persoa dependente e titular dun Proxecto individual de atención (PIA) no que se recoñeza o dereito ao acceso ao Servizo de Axuda a Domicilio Dependencia.

Prazo de presentación:

Durante todo o ano.

Remuneración / Dotación:

É unha prestación de servizos domiciliarios por un/unha auxiliar de axuda a domicilio. As tarefas estableceranse no proxecto de intervención unha vez acordadas coa persoa dependente e/ou familia que se centrarán en atencións de carácter persoal e doméstico encamiñadas a atender as necesidades básicas da vida diaria e incrementar a súa autonomía.

A temporalidade do servizo estará fixada no PIA (Proxecto Individual de Atención) que establecese a Xunta de Galicia en función do grao de dependencia recoñecido.

Existen dúas modalidades:

SAD Dependencia: dirixido a persoas con recoñecemento a través do Sistema de Autonomía e Atención á Dependencia de Galicia (S.A.A.D.) cuxo Programa Individual de Atención (PIA) establece a prestación de Axuda a Domicilio.

SAD Dependencia/Respiro: igual modalidade có anterior pero con menor intensidade horaria (tamén establecida no PIA) xa que está orientado a proporcionar un apoio de respiro á familia e/ou persoa coidadora.

Máis información:

A esta prestación só se poderá acceder despois da resolución do grao de dependencia e a asignación deste recurso polo Sistema de atención á dependencia e promoción da autonomía persoal.

Noticias

Prestacións

Subscrición ao boletín de actividades

Novidades

Novidades

Que che parece esta sección?

-101-101-101

Síguenos en

Tes un navegador demasiado antigo!

Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible

Iniciar sesión