Esta exposición presentará unha nova serie de obras creadas polo artista plástico e ilustrador coruñés Juan José Estrada Dopazo (1983). A mostra reunirá unha colección de caricaturas e retratos realizadas mediante técnicas tradicionais,(grafito, carbón, tiza, pastel e acrílico) sobre soportes como papel, cartón, madeira ou lienzo. Nelas aparecen máis de trinta figuras que  o autor considera clave da cultura dos séculos XX e XXI, enmarcando os seus traballos na tradición clásica da caricatura-retrato.

Juan José Estrada Dopazo é un debuxante autodidacta nado na Coruña en 1983. Retratista e caricaturista dende a infancia é licenciado en Historia da Arte pola Universidade de Santiago de Compostela, e completou os seus estudos co ciclo de formación profesional en Ilustración e Artes aplicadas á Escultura. E membro da Asociación Española de Caricaturistas e actualmente desenvolve o seu traballo como ilustrador freelance.

A exposición poderase visitar do 16 de marzo ao 8 de abril na sala Plataforma14 do Fórum Metropolitano da Coruña.

A sala Plataforma14, pertencente á Concellaría de Participación e Innovación Democrática e coordinada polo Centro Municipal de Información Xuvenil, pretende visibilizar a creación realizada polos/as artistas emerxentes da nosa cidade. Toda a información sobre este espazo pode atoparse na web www.coruna.es/cmix/plataforma14.