A Escola Infantil Municipal de Monte Alto organiza unha charla coloquio sobre igualdade na infancia. Raquel Álvarez, educadora social e Miren Ansó, pedagoga, ambas as dúas nais da escola, compartirán a súa reflexión sobre a importancia de tomar conciencia e practicar a autocrítica para evitar reproducir valores machistas na infancia.

A charla, dirixida a persoas da escola (nais, pais, educadoras etc.) e interesados de fóra da escola, terá unha duración aproximada de 60 a 90 minutos e aínda que non está prevista a presenza de menores, haberá unha organización especial para os nenos e nenas da escola durante a charla.

Precísase inscrición previa para poder calcular e valorar o espazo que se utilizará. Pode ser a través do correo da escola, chamada telefónica ou persoalmente.

Ademais, ponse de novo en marcha o proxecto de "Maletas viaxeiras pola igualdade", polo que esta charla é un encontro que se relaciona con esta dinámica na que proximamente participarán as familias.