A empresa GDES Wind organiza un curso de reparación e mantemento de pas eólicas, cunha duración de 248 horas, cuxa 10.ª edición se iniciará a principios de marzo 2024 e durante 31 xornadas de luns a venres.

O contido da formación será o seguinte:

Prevención de Riscos Laborais, que se impartirá na Academia Newton en Vilalba (Lugo):

• Formación de nivel básico en PRL
• Formación GWO (Traballos en Altura, Manipulación Manual de Cargas, Primeiros Auxilios, Extinción de Incendios, Uso de elevadores etc.)
• Outra formación PRL específica do sector eólico (oficio, espazos confinados, risco químico, bloqueo e etiquetaxe LOTO, manexo de ponte guindastre, carretilla elevadora, uso PEMP homologado por IPAF etc.)

Teórico-práctica en REPARACIÓN DE PAS EÓLICAS homologado por GWO, "GWO Blade Repair", que se impartirá no centro de traballo de GDES Wind nas Pontes de García Rodríguez en colaboración con SEGANOSA:

• "GWO Blade Repair": 70 horas. + 10 h de formación en Inspección de pas eólicas.

Prezo do curso: gratuíto

Perfil alumnos/as: con interese real na actividade de reparación e inspección de pas eólicas. Posibilidade de contratación á finalización do curso, para o que será imprescindible a disposición a mobilidade xeográfica nacional e internacional, capacidade demostrada para traballar en altura e permiso de circulación tipo B; altamente valorado o coñecemento de idiomas (inglés, francés, nivel principalmente).

As persoas interesadas deben enviar o seu CV por correo electrónico a rrhh.wind@gdes.com indicando no asunto "Interesado/a no curso de iniciación e reparación de pas eólicas".