O xoves 25 de abril ás 18.30 h. na Biblioteca Fórum, recibimos a Aida Alonso, que vai a realizar un Obradoiro de elaboración de Libros Pop-Up, para crianzas de 8 a 12 anos.

Neste obradoiro, con inscrición previa, os nenos e nenas debuxaran con papel e tesoiras e elaborarán un libro despregable, en pop-up.

Partirase da ilustración como un espazo de xogo sen normas no que todo o que se imaxina pode ser posible. O papel convértese nunha caixa ilimitada de historias.

A dinámica será determinar unha temática en torno a unha personaxe elixida e creada por cada participante. Unha primeira páxina terá o retrato da personaxe, a seguinte o lugar onde vive (habitación, paisaxe) e pouco a pouco irase construíndo a historia.

Aida Alonso, ilustradora galega que debuxa con tesoiras.

Como ela recoñece, naceu acompañada dun libro, un papel e un pequeno rotulador amarelo. Aínda que os seus traballos tamén están vencellados á acuarela e tinta, Aida destaca polos seus proxectos nos que debuxa con tesoiras.