Horario de atención 

	luns	martes	mércores	xoves	venres
Ágora	09.30-13.30 h	16-19 h.			09.30-13.30 h.
Castrillón
Durán Loriga					17-20  h.
Forum	10-13 h.		17-20 h.		10-13 h.
Monte Alto	10-13 h.	10-13 h.		17-20 h.
Rosales		10-13 h.		17-20 h.
Sagrada F.	17-20 h.		10-13 h. 17-20 h.		10-13 h

Preguntas frecuentes

O servizo prestarase por orde de chegada, respectando a quenda, tempo e intimidade da persoa que estea sendo atendida.

Que tipo de dúbidas ou problemas axudades a resolver?

Cuestións puntuais e concretas relacionadas coas tecnoloxías da información e comunicación: Internet, redes sociais, páxinas web... e tamén cos dispositivos dixitais como o teu móbil, portátil ou tableta: configuración, conexións, notificacións... É importante que entendas que non podemos facer cursos individuais sobre un dispositivo, informática ou Internet.

Na práctica, como podedes axudarme?

Indicámosche como facer e poñémosche exemplos, orientámoste e axudámoste pero nunca realizamos actividades no teu nome nin configuramos directamente o teu dispositivo. Non queremos coñecer as túas claves de acceso a calquera aplicación, servizo ou trámite. Podemos ensinarche a poñer unha clave segura e recomendarche que a gardes nun lugar privado pero nunca a rexistraremos nós mesmos/as.

Teño que facilitarvos a miña clave para algo?

Non queremos coñecer as túas claves de acceso a calquera aplicación, servizo ou trámite. Podemos ensinarche a poñer unha clave segura e recomendarche que a gardes nun lugar privado pero nunca a rexistraremos nós mesmos/as.

En que asuntos non me ides axudar?

Naqueles que entendamos que poidan supoñer unha vulneración da legalidade vixente. Tampouco queremos entrar nos relacionados coa túa saúde persoal, asuntos financeiros ou de carácter estritamente privado.

Podedes axudarme a realizar un trámite?

Por suposto, queremos ser facilitadores e acompañarte na realización deses trámites en liña que che piden desde a administración ou desde entidades privadas. Pero debes ter en conta que non somos orientadores/as laborais, asistentes sociais ou consultores/as financeiros/as, polo que non che poderemos axudar sobre o fondo destas cuestións ou facer tramitacións no teu nome. 

Podedes arranxar o meu teléfono ou a miña tableta?

Podémoste orientar na configuración correcta do teu dispositivo e mesmo poderiamos deducir se hai algún tipo de problema, pero en ningún caso a nosa misión é arranxar unha disfunción do aparello.