Inauguramos a nosa Primavera Literaria cun encontro coa poeta Dores Tembrás. Os clubs de lectura "Café con libros" temos o firme propósito de perderlle o medo á lectura dos poemarios que conforman a colección da Biblioteca.

Dores Tembrás (Bergondiño, 1979) é doutora en Filoloxía pola UDC e especialista na obra da poeta Alejandra Pizarnik. En 2009 publicou o seu primeiro poemario O pouso do fume, en 2012 O peizoque Roque, e en 2013 faise co galardón Premio de Poesía Concello de Carral, coa obra Cronoloxía da urxencia, que se publica en 2014 no selo Espiral Maior. A súa obra aparece recollida en diversas antoloxías e obras colectivas. Na editora que comparte con Antía Otero, Apiario, publicou tamén "Auga a través", dispoñible na Biblioteca Os Rosales.