Horario

• Inverno
  • Luns a venres de 9.00 h a 14.00 h e de 16.00 h a 20.30 h, excepto os martes, que presta servizo ata as 13.00 h
  • Sábados de 10.00 h a 14.00 h
• Nadal (pechada os días 24 e 31 de decembro)

*A sala infantil permanecerá aberta de luns a venres de 16.00 h a 20.30 h (excepto os martes) e os sábados de 10.00 h a 14.00 h

Como chegar?

Localiza a biblioteca no mapa da cidade e visítanos! Se o vas facer en medios de transporte públicos ou en bicicleta esta información serache útil:

Liñas de autobús urbano

Liña 3 - Liña 3A - Liña 12 - Liña 14

Estacións de bicicletas

• Os Rosales - Manuel Azaña
• Casa da Auga
• Millennium

Que me ofrece esta biblioteca?

Nesta biblioteca, como nas outras sete, atoparás bibliotecarias e bibliotecarios dispostos a axudarche no que necesites.

Cada persoa ten o seu espazo na biblio: hai zonas especialmente pensadas e deseñadas para bebés, nenos e nenas, mocidade e persoas adultas.

Dispón de múltiples materiais que poderás levar en préstamo, música e cinema, ordenadores de acceso público, conexión wifi, consolas e videoxogos...

Busca e descubre todas as actividades e cursos que che ofrecen esta biblioteca e as demais da rede

Máis información

A Biblioteca Municipal dos Rosales inaugurouse en setembro de 2009. Forma parte do Sistema Municipal de Bibliotecas do Concello da Coruña, está situada no barrio dos Rosales, na praza Elíptica, nun edificio compartido co Centro Cívico Municipal dos Rosales.

A biblioteca está situada no centro dunha gran praza rodeada de mágnificos espazos verdes e dun parque infantil. A área de influencia da biblioteca abarca unha poboación de 15.117 habitantes segundo datos de 2012. É un barrio novo, o 51% da poboación do barrio está entre os 18 e os 50 anos e mais dun 17% é menor de 14 anos.

A biblioteca encádrase dentro dun edificio municipal compartido co Centro Cívico dos Rosales, actúa como un equipamento sociocultural de proximidade e dá servizo e atención ao conxunto da veciñanza da súa zona de influencia e especialmente a aqueles sectores sociais con menos posibilidades de acceso ao coñecemento e á práctica cultural, lectora e formativa.

Consulta as cifras desta e doutras bibliotecas