Acordo plenario de lanzamento da AUAC 2030

Os acordos adoptados son:

1. A reactivación do proceso para a definición e implementación da Axenda Urbana A Coruña 2030 (AUAC) e o seu correspondente Plan estratéxico de acción local (PEAL).
2. Constituír unha Comisión Especial para a Axenda Urbana da Coruña
3. Impulsar unha reforma urxente do Regulamento orgánico de participación cidadá (ROPC) que actualice a composición prevista para o Consello Social da cidade.
4. Crear unha axencia ou organización especializada para a coordinación da implantación da AUAC 2030 e o seu PEAL, liderada pola figura dun/a comisionado/a, persoa designada pola XGL por proposta da Alcaldía, ante a que renderá contas.

Protocolo de actuación entre o MITMAU e o Concello da Coruña

Para establecer o marco de colaboración estable entre ambas as partes en todo o relacionado coa implantación da Axenda Urbana Española. Este protocolo exemplifica o compromiso dunha cidade española no desenvolvemento práctico e real da AUE ao longo do próximo período. Do mesmo xeito que o Memorando citado anteriormente, o 1 de xullo de 2020 a JGL adoptou o acordo para asinar o mencionado Protocolo de colaboración entre a Secretaría Xeral de Axenda Urbana e Vivenda do Ministerio e o Concello da Coruña para o recoñecemento dun proxecto piloto do Plan de acción da Axenda Urbana Española na Coruña.

Finalmente, a sinatura deste protocolo tivo lugar en Madrid, nas dependencias do Ministerio, o 28 de decembro de 2020.

Memorando de entendemento ONU-Habitat - Concello da Coruña

Este MoU (Memorandum of Understanding) entre o Programa das Nacións Unidas para os Asentamentos Urbanos (ONU-Habitat) e o Concello da Coruña ten por obxecto establecer un marco de colaboración estable entre ambas as partes en todo o relacionado co desenvolvemento urbano sustentable. O fundamental será descubrir as dimensións urbanas de todos os ODS e establecer o sistema de indicadores do ODS núm. 11 e os de todas as dimensións urbanas de todos os ODS, incorporándoos no Observatorio Urbano da Coruña que contaría así mesmo cun enfoque de Igualdade e Diversidade e un ámbito metropolitano. A Xunta de Goberno Local, na sesión ordinaria do 14 de decembro de 2018 , adoptou o acordo de aprobación do dito Memorando.

Convenio de Colaboración ONU-Habitat - Concello da Coruña

Este convenio entre o Programa das Nacións Unidas para os Asentamentos Urbanos (ONU-Hábitat) e o Concello da Coruña ten como obxecto establecer un protocolo de colaboración específico para o deseño e implementación dun plan de acción local e o seu correspondente sistema de indicadores relacionado co desenvolvemento urbano sustentable.