Compoñentes básicos do SIDUS

O desenvolvemento dun Sistema de Indicadores de Desenvolvemento Urbano Sustentable ha de conformarse cun panel de indicadores (341) deseñado en catro niveles:

• Nivel I: Datos e Indicadores Descritivos que nos serven para describir, para retratar a nosa área urbana e as súas principais características demográficas, sociais, económicas, etc....
  • Procedencia: Axenda Urbana Española (75) e Observatorio urbano da Coruña (87)
• Nivel II: Indicadores de Sustentabilidade Urbana: Son aqueles que describen a nosa área urbana, pero incorporan a referencia a un "indicador obxectivo de sustentabilidade" e por tanto reflicten a evolución e tendencia da cidade respecto da consecución da sustentabilidade urbana.
  • Procedencia: Urbanismo ecolóxico (Axencia de Ecoloxía Urbana de Barcelona) (52) e Observatorio urbano da Coruña (55)
• Nivel III: Indicadores cuantitativos que midan o Seguimento e Avaliación dos plans e proxectos que se desenvolven na cidade.
  • Procedencia: Axenda Urbana Española (37)
• Nivel IV: Indicadores cualitativos que midan o Seguimento e Avaliación dos plans e proxectos que se desenvolven na cidade.
  • Procedencia: Axenda Urbana Española (35)

Características do sistema de información

Desde A Coruña propoñemos a configuración dun sistema de indicadores que conte coas seguintes características:

• ha de estar interiorizado na entidade local (bottom-up)
• ha de ser homologable e estandarizado (tipo Urban Audit)
• ha de permitir medir ámbitos dos ODS da Axenda 2030 incorporados nas axendas ou plans de acción
• ha de permitir integrarse no sistema de indicadores da Axenda Urbana Española
• ha de medir o comportamento das nosas cidades en relación aos seus propios obxectivos estratéxicos
• ha de contemplar diferentes escenarios territoriais: xeografía variable (área metropolitana, distritos, barrios, etc.).
• ha de integrar o ámbito xénero: igualdade e diversidade
• ha de integrarse cos cadros de mando (CdM) de xestión da cidade: mobilidade, xestión de activos, licenzas de actividade, usos bibliotecarios, suxestións e reclamacións, etc.
• ha de integrarse no modelo español de cidades intelixentes.

Un sistema en desenvolvemento

A Secretaria de Estado de Orzamentos e Gastos do Ministerio de Facenda e Administracións Públicas resolveu en data 21 de xullo de 2017 (BOE nº176, de 25 de xullo de 2017) a concesión de axudas do FEDER, por importe de 15 millóns de euros ao Concello da Coruña para a execución da súa Estratexia de Desenvolvemento Urbano Sustentable e Integrada (EDUSI).

No marco da execución da Liña de Actuación 32 de EidusCoruña, aprobouse unha operación para o desenvolvemento do novo Observatorio Urbano da Coruña, que consistirá en:

1. O estudo (matemático, estatístico e de consultoría) para a realización dun traballo documentado de análise, redeseño e validación do sistema de indicadores de desenvolvemento urbano sustentable da Coruña.
2. A adquisición dunha ferramenta software para a carga e xestión da información e implementación do Novo Observatorio Urbano.
3. A posta en funcionamento dunha nova web do Observatorio Urbano.

Fontes do SIDUS

O SIDUS da Coruña componse dun número elevado de indicadores de diferente procedencia. Para saber máis sobre esas fontes, podes consultar a sección "Fontes para un sistema de indicadores".