Estrutura oval e muralla antiga (marcada en negro)
O primeiro castro
Elviña antes de Elviña
Con anterioridade á fase de apoxeo do poboado, que pode apreciarse actualmente na maior parte das construcións do castro, existiu unha fase moi pouco coñecida, que se corresponde cunha fortificación anterior á que actualmente vemos.
Baixo a Estrutura Oval, identificouse un muro graduado moi potente, de máis de 1 m de ancho, que se correspondería cunha fase de muralla anterior á que actualmente se aprecia na croa. Neste contexto, obtivéronse varias datacións de carbono 14, que nos permiten afirmar que a muralla estaba en uso con anterioridade ao s. IV a.C.
Descubrindo unha vida antiga do castro
A identificación desta muralla permitiu observar outras evidencias arqueolóxicas con outros ollos. Xa se coñecía a existencia dunha vivenda de pedra circular, que foi destruída para asentar a "nova" muralla. Todo parece indicar que se corresponderían con esta primeira fase do castro. Quizais tamén sexa posible adscribir a esta fase as dúas vivendas pétreas circulares que se sitúan nas bases da croa, e quizais tamén as vivendas construídas en madeira e materiais perecedoiros que se atopan na parte máis elevada da croa. Por agora, aínda queda moito por descubrir sobre este primeiro Castro de Elviña.
Tamén che pode interesar
Sentímolo pero o teu navegador é moi antigo para poder mostrar esta páxina. Debes de actualizalo ou usar un navegador compatible. Optimizamos esta web para Google Chrome, Mozilla Firefox, Opera, Safari e Microsoft Edge. Instalar agora un navegador compatible